إنتِ قولتيلي إن اسمك مش مهم، وبعدين وإنتِ مش واعية فضلتِ ترددي اسمك. بصيتله بخوف. إنت عايز مني إيه؟ سكت لحظات. وبعدين قال: في الأول كنت ناوي أسيبك تمشي. طب سيبني! بس غيرت رأيي. ليه؟ قرب خطوة وقال: لأني اكتشفت إنك ممكن تكوني مفيدة ليا.
بصيتله بعدم فهم. مفيدة في إيه؟ رد بمنتهى البرود: في حاجة أنا بجهز لها من فترة. أنا مالي؟ لأنك حفيدة عبد الرحيم اللبان. أول ما سمعت اسم جدي، قلبي وقع. إنت تعرف جدي؟ ابتسم. مين مايعرفش عبد الرحيم اللبان؟ إنت عايز منه إيه؟ حساب قديم. حساب؟
جدك أذاني زمان. قرب من الكرسي وقعد قدامي. وأنا مش من النوع اللي بينسى. بلعت ريقي. طيب وأنا ذنبي إيه؟ ولا ليكي ذنب. أمال جبتني هنا ليه؟ سكت لحظة، وبعدين قال: عشان تساعديني. ضحكت من التوتر. أساعدك إزاي؟ هترجعي بلدك. فتحت عيني باستغراب. إيه؟! وهتدخلي بيت جدك. إنت مجنون؟
أنا أصلًا هربانة منه! عارف. وعايزني أرجع له برجلي؟ مش هترجعي عشان تتجوزي. بصيتله بحذر. أمال؟ قال بمنتهى الهدوء: عشان تاخدي حاجة من بيته. سكتُّ. تاخدي إيه؟ ده هتعرفيه لما نوصل. يعني عايزني أسرق بيت جدي؟! بالضبط. قمت واقفة وأنا مصدومة. إنت أكيد اتجننت! ممكن. أنا مش حرامية!
ومحدش قال إنك حرامية. أمال إيه اللي بتطلبه ده؟ وقف قدامي وقال: أنا بطلب منك ترجعي المكان اللي هربتي منه، وتساعديني آخد حقي. ولو رفضت؟ لأول مرة اختفت الابتسامة من وشه. ساعتها هنختلف. يعني هتق. تلني؟ سكت لحظة، ثم قال: أنا مش عايز أأذيكي يا جواهر.
لكن لازم تفهمي إن الموضوع بالنسبة لي مش لعبة. بصيتله وأنا مش عارفة أصدق أي كلمة. إنت بتكره جدي للدرجة دي؟ رد وهو بيبعد عني: إنتِ لسه ماشفتيش حاجة. وقبل ما يخرج من الأوضة، وقف عند الباب وبصلي. فكري كويس. في إيه؟
قال بهدوء: في إنك لو ساعدتيني، هتخرجي من الموضوع كله. وبعدين أضاف: لكن لو حاولتي ترجعي لجِدك وتحكي له عني... ساعتها هو اللي هيعرف إن حفيدته رجعت من غير ما تكون لوحدها. خرج وقفّل الباب. فضلت واقفة مكاني، مش عارفة أعمل إيه.
من كام ساعة كنت عروسة هربانة بتحاول تنقذ نفسها من جوازة مش عايزاها... ودلوقتي بقيت في بيت راجل غريب، بيطلب مني أرجع لجدّي وأسرق بيته عشان ينتقم منه. والأسوأ من كل ده... إني ماكنتش أعرف أصلًا إيه اللي حصل زمان بين عمر وجدي، وليه عمر اختارني أنا بالذات عشان ينفذ انتقامه.
Hind Hawas ✦ ناشر
كاتبة وقاصّة وروائية · مصر
كاتب إخباري وقاصّ وروائي — أشارككم أهم الأحداث، وأمتع القصص والروايات، وكل ما يستحق القراءة.
أكتب بشغف، وأختار لكم محتوى متنوعًا يجمع بين الخبر، الحكاية، والتشويق. تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.